පහු ගිය ටිකේ ලකෆ්‍රෑන්ස්ට බොහෝ ඊ මේල්ලු ආවේය.ලකෆ්‍රෑන්ස් ඒ හැම ඊමේල්ලුවක්ම කියෙව්වේය.උත්තරද යැව්වේය.ලකෆ්‍රෑන්ස්ට ලිව්ව ඈයෝ ඒබව දන්නේය.මේ ලියමන එහෙම පිළිතුරු ලිව්ව ලියමනක් නෙමේය.බ්ලොග් අවකාශේ නිතර එහෙ මෙහේ යන පුන්චි කොලුගැටයෙක්ට ලකෆ්‍රෑන්ස් ලිව්ව ලියමනක්ය.අනුන්ට යවනා ලියුම් ප්‍රසිද්ධ කිරීම හොඳ වැඩක් නෙමේය.ඒත් ලකෆ්‍රෑන්ස්ගේ ඇති හොඳක් නැත්තේය.ඒ නිසා මේ ලියුම් ගණුදෙනුව ප්‍රචාරය කරන්නේය.
ආදරණීය හර්ෂන අධිකාරී මල්ලියා වෙතයි,
සුබ වේවා! රාජ සම්පත් ලැබේවා!
ඉතින් මගේ මල්ලියේ.උඹේ ජීවිතේ සැපෙන් ගෙවෙනවා නේද.මගේ ජීවිතයද ඉතාම සැපෙන් ගෙවනවා.උඹව අන්තිමට දැකලා අදට හරියටම දවස් 3ක්.මේ දවස්වල රාජකාරී කටයුතු එහෙම කොහොමද?හොඳින් කරගෙන යනවා නේද?උඹ බිල්ඩින් හදන ලොකු කොම්පැනියක වැඩ බලන බව මට ආරන්චි විය.හොඳයි හොඳයි.අනාගතයේ ඉංජිනේරුවෙක්ම වෙන්න ලැබේවා කියා ඉත සිතින්ම පතනවා.හැබැයි මල්ලියේ,ඉංජිනේරුවෙක් වෙන්න එහෙම ලේසියෙන් බැරි බව උඹ දන්නවා කියලත් හිතනවා.ඒ නිසා උඹේ ඉංජිනේරු බලාපොරොත්තුව වෙනුවෙන් උඹ ගොඩක් මහන්සි වෙයි කියලා මම බලාපොරොත්තු වෙනවා.
මේ දවස්වල මෙහෙටනම් බොහෝම ගිරීස්මයි.උඹ ඉන්නා පැත්තේත් ඒ වගේම ගිරීස්මයි කියලා හිතෙනවා.මගේ මල්ලියේ, වැඩිය අව්වට එහෙම යන්න එපා.මේ කට්ට අව්ව ඔළුවට එච්චර හොඳ නැති බව ඩිස්පෙන්සරියේ දොස්තර මහත්තයා දවසක් මාත් එක්ක කිව්වා.උඹත් අසනීප වෙයි.
ඉතින් මල්ලියේ, හදිස්සියේම මේ ලියමන ලියන්න හිතුනේ උඹට වැදගත් කාරණාවක් ගැන කියන්නමයි.පහුගිය ඉරිදා දොහේ උඹ මහරගම තරුන සේවා සභාවේ පිට්ටනියේ සයිබර් අවුරුද්දට ඇවිත් ඉන්නවා දැක්කා.මම උඹ ළඟටම ඇවිත් ගොඩක් වේලා කතා කරකර හිටියත් උඹ මාව අඳුර ගත්තේ නැති බවනම් මට විශ්වාසයි.ඒකට කමක් නෑ කියමුකෝ.එදා දවස උඹ සයිබර් අවුරුද්දේ ගෙවපු හැටි මම හොඳටම බලාගෙන හිටියා.උඹ කාත් එක්කවත් වැඩිය බජනෙට ගියේ නැහැ.උඹේ පාඩුවේ එතන ඩීජේ කොල්ලො දෙන්නට එහා පැත්තේ තව උඹේ යාළුවෙක් එක්ක ඔහේ බලාගත්ත අතේ බලාගෙන ඉන්නවා මම දැක්කේ එක පාරක් දෙපාරක් නෙමේ.උඹ ඔය එහෙන් මෙහෙන් තරඟ දෙක තුනකට පෙනී හිටියට ගොඩක් වෙලාවට කළේ පාඩුවේ පැත්තකට වෙලා හිටපු එක නේ.උඹව අර කෙල්ලො දෙන්නෙක් කඩේ යවපු සිද්ධිය එහෙමත් මම දැක්කට නොදැක්කා වගේ හිටියේ උඹ වගේ එකෙක් තියෙන කුලෑටි කම අත ඇරලා එහෙමවත් කෙල්ලෙක්ට කඩේ යන එක හොඳ නිසාමයි.ඔය පටන් ගත්ත වැඩේ දිගටම කරගෙන පලයන් මගේ මල්ලියේ.තව අවුරුදු 12කින් විතර උඹට යාන්තම් කෙල්ලෙක්ගේ අතින් අල්ලගෙන ෆොටෝ එකක් ගන්න එතකොටවත් පුලුවන් වේවි.
මල්ලියේ,උඹට එදා ඇයි ඔයාලා මොනවා කරන්නද ටී ෂර්ට් කාරයෝ ටිකක් අනන් මනන් කිව්වා කියන්නේ ඇත්තද?උඹ දවල්ට කකා ඉද්දි උන් දෙන්නෙක් උඹේ එහා පැත්තේ වාඩි වෙලා උඹේ නම ඇහුවද මගේ මල්ලියේ?ඊට පස්සේ උඹ නම කිව්වම, උඹේ නමට ඉස්සරහින් නේද ගොං කෑල්ලක් තියෙන්නේ කියලා උන් ඇහුවම උඹට දුක හිතිලා අඬාගෙන එතනින් නැගිටලා ගියා කියන්නේ ඇත්තද මගේ මල්ලියේ?ඕකුන්ටනන් හොඳක් වෙන්නේ නැහැ උඹ වගේ අන්තිම අහින්සකයෙන්ට ඔහොම කිව්වට.අම්මපා මල්ලියේ.ඇස් දෙකටම ඇඬෙනවා මට මගේ මල්ලියා අඬාගෙන ආවා කියලා ඇහුවම.උඹ ඕවා ගැන එච්චර හිතන්න එපා මල්ලියේ.මේ ලෝකේ,මේ සමාජේ කරිම කූරයි.උඹලා වගේ අහින්සකයෝ අල්ලගෙන පස්ස පැත්ත පලන්නමයි මේකේ ඉන්න එකාලා උත්සාහ කරන්නේ.මගේ මල්ලියේ උඹ එහෙම ඕවට අහුවෙනවා නෙමෙයි ඕන්.
මගේ මල්ලියේ,උඹට තව කාරණයක් කියන්න ඕනේ.උඹ අද ඊයේ දාපු සයිබර් අව්රුදු ෆොටෝ පෝස්ට් දෙකම මම බොහොම කැමැත්තෙන් කියෙව්වා මගේ මල්ලියේ.ඒ පෝස්ට්නන් එළ, සුපිරි, පට්ට, මල් හතයි ඈ, නියම පෝස්ට් එකක්, ++++++, එක හුස්මට කියවගෙන ගියා., හිහ්, මාර රසයි බං, :), සුබ වේවා ! රාජ සම්පත් ලැබේවා !, *, බුහහා, පට්ට..., හික්ස්..., හයියෝ සල්ලි, ලොල් ම තමා. එළ ඈ!, එළ කතා....., හි හි හි....., කියෙව්ව ඔන්න....., ෆස්ටය...., මරු ...., ලොල් ...., හක්,,ඒක එල හලෝ, හොක් හොක්...!!, මරු බං..!, එක හුස්මටම කියවගෙන ගියා. මට කට උත්තර නැතුව ගියා, සාහිත්‍යය රස බේරෙනවා., පුග්, :), මම අද එක ද ?, හුරේ.. මම එක, මම එක ද මන්දා...?, ලොවෙත් නෑ, සිරා පෝස්ටුව, මාර රහයි, ජය, :-D :-D, ගති, මට ඇඩෙන්න වගේ, හොදට ලියල තියෙනව, ඔයානම් මාරයි අනේ, නෙදකිං, (Y) මල්ලියේ.
ඒත් මගේ මල්ලියේ ඇයි මේ උඹ හැන්ගිලා ඉඳන් ගල් ගහන වැඩ කරන්නේ?මට හිතාගන්න බැරි ඒකයි මල්ලියේ.උඹ එදා දවසටම අර ටී ෂර්ට්කාරයෝ එකෙක් එක්කවත් නිකමටවත් කතා කරේ නෑ නේද මල්ලියේ.අඩුම තරමේ උන් යන එන කොරිඩෝර් එකකවත් හිටියේ නැහැ නේද මල්ලියේ.මම අහපු අහපු හැම එකාම කිව්වේ උඹ හොඳ කොල්ලෙක් හැබැයි පට්ට මෝඩයෙක්, මිනිහෙක්ගේ මූණ බලලා කෙළින් වචනයක් කියන්න කොන්ද පණ නැති එකෙක් කියලා මල්ලියේ.ඇයි මල්ලියේ රට්ටුන්ගෙන් මේවා අහගන්නේ?උඹව උඹේ අම්මා තාත්තා ඉංජිනේරුවෙක් කරන්න දත කන්නේ රටේ ලෝකේ එකාලගෙන් එක එක දහදුරා කතා අහන්නද මල්ලියේ?අනික එක එකා උඹට කී බෝඩ් වීරයා කියලා කියනවාත් මට ඇහිලා තියෙනවා මල්ලියේ.ඉතින් උඹ මේ කරන මෝඩ වැඩ දැක්කම රට්ටුන්ට උනත් උඹ ඇත්තටම කීබෝඩ් වීරයෙක් විතරයි, මූනට මුලිච්චි උනාම කලිසමේ චූ යන ගොන් තඩියෙක් කියලා හිතෙන එක අසාධාරණ නැහැ නේද මගේ මල්ලියේ.උඹට මගෙත් එක්ක ප්‍රශ්නයක් තියෙනවනන් ඇයි මල්ලියේ කෙලින් කියන්න බැරි.මම උඹව කන්නේ නැහැනේ මගේ මල්ලියේ.එක්කෝ එදා ඒ ටී ෂර්ට්කාරයෙක්ට හරි උඹට කියන්න තිබ්බනේ මල්ලියේ. ලකෆ්‍රෑන්ස් ලියන්නේ ඌ කියලා කව්ද එකෙක් කිව්වත් එක්කනේ මල්ලියේ.උඹට අඩුම තරමේ ඌට හරි කියන්න තිබ්බනේ උඹට තියෙන ප්‍රශ්නේ.මීට පස්සේ ඔහොම කරන්න එපා මගේ මල්ලියේ.උඹට කාට හරි කියන්න දෙයක් තියෙනවනන් කෙලින් ඒක ඒ අදාල පුද්ගලයාටම කියපන් මගේ මල්ලියේ.ඒක තමයි නියම පිරිමිකම මල්ලියේ.මූනට මුලිච්චි උනාම ආඳා වගේ ලිස්සලා ඇවිදින් ගෙදර ඉඳන් කාමරේ දොරත් වහගෙන බෙඩ් ශීට් එකකින් ඔලුවේ හිටන් වහගෙන කම්පියුටරේ ඉස්සරහා වාඩිවෙලා හිතින් හදාගත්ත හතුරන්ට රිඹ යන්න කී බෝඩ්වලින් ගහන එක නෙමේ මල්ලියේ පිරිමිකම.
මේවා උඹ පොඩිකමට කරන වැඩ මල්ලියේ.මේවා බලලා මම උඹ කොන්ද පණ නැති පොන්නයෙක් කියලාවත්, කී බෝඩ් වීරයෙක් කියලාවත් උඹට අනන් මනන් කියන්නේ නැහැ මල්ලියේ.හැබැයි උඹ මේ කරන වැඩවලින් උඹම ඒ ගති ලක්ෂන දෙකම උඹේ ජීවිතේට රෙජිස්ටර් කරගන්නවා මල්ලියේ.එහෙම කරගන්න එපා මල්ලියේ.ඒක උඹේ අනාගතේට හොඳ නැහැ මල්ලියේ.නිකන් හිතපන් මල්ලියේ,උඹ තව අවුරුදු කීපයකින් රටේ නමගිය කොම්පැණියක ඉංජිනේරු රස්සාවකට ඉල්ලුම්කරලා ඉන්ටර්වීව් ගියාම, ඉන්ටවීව් බෝඩ් එකේ එකෙක් නිකමට හරි උඹේ නම ඉන්ටර්නෙට් එකේ හෙව්වම, උඹ කී බෝඩ් වීරයෙක්, කොන්ද පන නැති පොන්නයෙක්, මිනිහෙක්ගේ මූණ බලලා කතාකරන්න බැරි තරම් මන්ද මානසික හිවලෙක් කියලා ආවොත් එහෙම උඹට ඇතිවෙන තත්වේ.ඒ නිසා මගේ මල්ලියේ දැන්ම තියාම උඹේ ඒ ගතිගුණ වෙනස් කරගනින් මල්ලියේ.මම මෙච්චර උඹට කිව්වේ උඹ තාම අවුරුදු 21 පොඩි එකා නිසයි මල්ලියේ.උඹට තව ගොඩක් දුර යන්න තියෙනවා මගේ මල්ලියේ.ඉන්ටනෙට් එකේ උඹේ හොඳ නම නැතිකරගන්න එපා මගේ මල්ලියේ.මොකද අනාගත ලෝකේ හැමදේම තියෙන්නේ ඉන්ටනෙට් එකේ.මගේ මල්ලියා අනාගත ඉංජිනේරුවෙක් හින්දා අනාගන්නේ නැතුව මම කිව්ව දේ තේරුම්ගනී කියලා මම හිතනවා.
එහෙනන මගේ මල්ලියේ.අද ගොඩක් දේවල් ලිව්වා.ඉඩ තියෙන වෙලාවක මටත් ලියමනක් එවහන්.ඉන්ටනෙට් එකෙන් තැපැල්ගාස්තු ගන්නේ නැති නිසා උඹට වියදමක් යන්නෙත් නැහැ නේ.එහෙනන් මගේ මල්ලියේ,මම නවතින්නන්.උඹටත් උඹේ පවුලේ සියලුමදෙනාටත් රත්නත්තරේ පිහිටයි.ආරස්සාවයි.
මම,
උඹට හැමදාම ආදරේ,
ලකෆ්‍රෑන්ස් අයියා!!!!!
ලියමන මෙතනින් අහවරය.අවුරුදු උත්සවේ ගැන ලියන්න දේවල්නන් බොහෝය.ඒවා ලියන්න පෝස්ට් 3ක්වත් අඩුමගානේ ඕනේ වේවිය.ඊළඟ පෝස්ට් එක නම්කිරීමේ අවස්ථාව ලකෆ්‍රෑන්ස් පාඨකයන්ට ලබා දෙන්නේය.අවුරුදු උත්සවේ ගැන ඉස්සෙල්ලාම ලියන්න ඕනෙ දේ තෝරන්නේ ලකෆ්‍රෑන්ස් පාඨකයින්ය. පාඨකයෝ ඉල්ලන දේ ලකෆ්‍රෑන්ස් දෙනවාය.ඊළඟ පෝස්ට් එකෙන් හමුවෙන තුරු,
සුබ වේවා!!!!! රාජ සම්පත් ලැබේවා!!!!!
